Tumhari Tasveer

Tasveer Nikalwate Waqt

Tumhari Aankhon Main

Jis Shaks Ki 

Tasveer Saaf Nazar Aati Hai

Wohi Shaks

Tumhari Us Tasveer Ko

Jab Tnahiayon Main Dekhta Hai

Tab Woh Khud Bhi

Tasveer Sa Ho Jataa Hai!!

Is Trah Do Tasveeren

Ek Doosre Ko Dekh Rahi Hoti Hain

Guzrta Waqt

Sar Jhuka Kar

Tasveer-e - kham Ho Jataa Hai

Aur

Jab Tum In Lafzon Se Bani 

Is Tasveer Ko Jab Sochogi

Tum Khud Bhi To

Ek Tasveer Hi Ban Jaogi!!

(C) Shahid Parvez Sayed, October 16th, 2014 @ 1:15am

Waqt...

Waqt, Guzar Kar Dekho To

Tumhare Chere Ke Naqoosh

Tumhari Aankhon Ke Suroor

Tumhari Zulfon Ki Woh Chaoon

Tumhare Palkon Ke Woh Gaoon

Tumhari Baaton Ke Sehar

Tumhare Lehje Ke Safar

Tumhare Honton Ke Lamas

Tumhari Bahon Ke Sukoon

Ko Kaise Mubham Kar Raha Hai

Pehle Is Ne Sirf Ek Hi Kiya Tha

Dekho Ab Kitne Zulm Kar Raha Hai!

(C) Shahid Parvez Sayed, September 28th, 2014 @ 12:35am

Tumhari Yaaden....

Ye Duniya Ek Veerana Hai

Phir Bhi Chalte Jana Hai

Door Ufaq Ke Paar Tale

Chunke Tum Ko Panaa Hai

Dil Bojhal, Jism Hai Ghayal

Phir Bhi to Muskurana Hai

Khwab Thin Tum, Koi Pari Thin

Dil Ko Ab Samjhana Hai

Pehle To Tumhari Sun Leni Hai

Phir Khoob Tumhen Rulana Hai

Jaise Taise Umr Kati Hai

Ab Koi Aur Gul Khilana Hai?

Duniya Hai Ya Ek Chalawa

Kiya Aana, Kiya Jaana Hai!

Tumhari Yaaden Khatam Nahi Hotin

Kiya Qaroon Khazana Hai!

Hogi Kahin Kisi Ped Ke Neeche

Woh Qabr Hi Ab Thikana Hai

(C) Shahid PArvez Sayed

"Tab Yaad Tumhen Kaun aata hai?"

Jab Raston Main Sare Aam, Yu Hi Chalte hue

Koi Mahobbat Nahi karta, Na kuch Jatataa hai

Tab Yaad Tumhen Kaun aata hai?

Jab Kisi Saneechar Ki Subah Tumhare Bistar par

Koi Banaa Kar Nashta Nahi Laataa, Na Khilata hai

Tab Yaad Tumhen Kaun aata hai?

  

Jab Tumhari Aankhon par, Muskurahoton par

Koi Nazmen  Nahi kehta, Na hi Gungunata Hai

Tab Yaad Tumhen Kaun aata hai?

Jab Umr Main Ek Baras Aur Jama Ho Jaane Par

Tumhen Haseen, Aur Haseen Tar Nahi Batlata Hai

Tab Yaad Tumhen Kaun aata hai?

Jab Tumhare Jazbon ki Shiddat, Wafa aur Shoki ke

Kuch Qisse Duniya ko Nahi Sunwataa, Na Batata Hai

Tab Yaad Tumhen Kaun aata hai?

Jab Rotiyan Banate Waqt Aaye Hue Zakhmo par

Koi Afsos Nahi karta, Aur Na Lipat Jata Hai

Tab Yaad Tumhen Kaun aata hai?

Udaas Dekh kar Tum ko  Sare Shaam Jab Koi

Khamoshiyan Nahi Sunta, Na Samajh Jata Haai

Tab Yaad Tumhen Kaun aata hai?

Jab Tum Bazar se Laane ke liye kuch Kehti ho

Janab who to Nahi Laataa, kuch aur liye aata hai

Tab Yaad Tumhen Kaun aata hai?

Bagair Baatye Jab Koi Office Tumahre Aataa hai

Tum Use Dekh Khil Jaati ho, Who Muskata Hai

Tab Yaad Tumhen Kaun aata hai?

Badi Khareedari Ko Taalne, Pasie Bachane ke Liye

Chikni Chapdi Baaten koi karta hai, Na Ithlata hai

Tab Yaad Tumhen Kaun aata hai?

“Main Aap ke Liye Poori Duniya se Lad Sakti Hoon”

Ye Keh Hue, scohe Hue Ik zamana sa Hua jataa Hai

Tab Yaad Tumhen Kaun aata hai?

Hazaron Meel ke Fasloon, Itni Doori ke baa- wajood

Koi Tumhare Din raat, Subah Shaam Samajh Jataa hai

Tab Yaad Tumhen Kaun aata hai?

Jab Dasht-e-Tanhayee main Bhatakta Hua koi Shair

Wohi  Gurzri Baaten Sochta Hai, Dohrata Hai

Tab Yaad Tumhen Kaun aata hai?

(C) Shahid Parvez Sayed, August 31st, 2013 @ 2:30 am

Ghar...

Tum 

Woh ke Jisko Ek Ghar Ki 

Hamesha Arzoo Thi

Shahr Ki Tnahaiyon Main

Ek Chota, Apna Sa Ghar

Jahan Hukum Tumhara Chale

Jis Ke Siyah  aur Safed Ki 

Maalik Bas EkTum Hi Ho

Main, 

Ek Shair e Sarkash, Baghi, Awara Mijaaz

Jise Duniya Ki 

Farsuda Riwayat Se Nafrat Rahi Hamesha

Main Bhala Tumhe Koi Ghar Kiyoon Kar Deta?

Mera Ye Manna Hai

Mera Ghar, Mera Mahollah, Mera Watan, Meri Jaat

Woh Ped Hain ke Jin Main

Tassub aur Nafrat Ke Phal hain Panapte 

Mujhe To Is Duniya se 

Kuch Is Trah Guzar tha Jana

Ke Mano Main tha Hi Nahi

Ke Jaise Kuch Hua Hi Nahi

Main Tumhen Ghar Kiyoon Kar Deta?

Par

Itne Baras Baad Ye Ehsaas Ab Hua

Ke Ghar To Main Ne Tum Ko

Un Dino Hi Tha diya

Woh Ghar Dekho Jis Main

 Tumhara Hukum Hai Chalta

Jiski Siyah  aur Safed Ki 

Maalik Bas Ek Tum Hi Ho

Woh Chota, Apna Sa Ghar

Mera Dil Hai 

Aye Meri Jaane Jahan

Ho Sake to Ek Baar Is main

Basne Phir Chali Aana.....

(C) Shahid Parvez Sayed, Auguist 26th, 2013, 10:15 am

Chaand Ka Peecha....

Yaad hai Un Dino

Tumhari Zulf ki Trah

Bal Khaahti, Lehrati, Shaffaf Sadak Par Hum

Chaand Ka Peecha Karte The!

Sadak Ke Mudte Hi woh bhi

Kabhi Tumhari Taraf aur 

Kabhi Meri Taraf Chala aataa tha

Phir Ek Raat

Ek Teele Par Motor Rok Kar Main ne

Tum se Kaha tha 

"Woh Raha Tumhara Chaand!"

Aur Tum ne 

Apni Peshani Mere Seene Se laga kar

"Mera Chaand Yahan Hai" 

Confirm kiya tha...

Bagair Chaand Dekhe Eid Kaisi Hoti Hai?

Bas Ye Batla do...

(C) Shahid Parvez Sayed, 9-8-13 @2:30am

Tanhaa....

Tumharaa Woh Ek Aansoo

Jo Bichadte Waqt Main

Apne Sath Liye Aayaa tha

Tanhaa Nahi hai Ab

Tumhari Yaad Par In Dino

Us Ka Sath Nibhaane 

Aur Bahut se Aansoo Nikal Aate hain

Khoob Jamti hai Phir in Sab Yaron Main

Der Raat Charche Jo Hua Karte Hain

Tumhari Mahobbat ki Shiddat ke

Tumhare Lafzon Ke Maani ke
Tumhare Jazbaat ki Hidaat Ke

Tumharaa Woh Ek Aansoo 

Tanhaa Nahi Hai Ab

Koi Bhi, Tanhaa Nahi Hai Ab!!

(C) Shahid Parvez Sayed, June 24th, 2013 @ 10 pm

Meri Zindagi....

Yaden Fana nahi hoti

Yaaden Zindagi Banti hain

Kiyoon ke Har Guzarta Hua Lamha

Bagair Kisi Shartton ke 

Hamari Zindagi se Guzar kar

Apna kirdaar Nibha Chuka hota hai

Aur Ye to Mutsaqbil hai Jo

Haqeeqat Pasandi ka Chashma Lagaye 

Door se Sab Dekha Kartaa hai

Halaat Sazgaar Hone ka Intezaar Karta hai

Par Yaaden Fana Nahi Hoti

Woh Sar Jhukaye 

Jab Bulaya Chali aati hain

Yaden Zindagi Hoti Hain

Itne Baras Baad hi Sahi

Ab to Tum Bahut Khush hogi

Aakhir Kaar Ke ab Tum hi

Meri Zindagi ho!

Be-Ghar...

Tum ne Us Ghar ki Deewaron par

Meri Tasveeren Laga Rakhi thin

Tum Kahaa Karti thin ke

Jab Main Ghar Nahi Hota to 

Woh Deewaren Bolti hain

IS Ghar main bhi Tasveeren lagi hain

US ghar main Roshni bhi

Tumhari Pasand ke Rang Audh ke Aati

IS ghar main bhi Wohi Rang hain Us ke

US ghar ke Lamp, Wind Chimes, Sofa set, aur Bartan

Sab Tumhari Pasand ke hote the 

Is ghar main bhi wohi  hian

Ye Ghar Bilkul Waisa hi Hai 

Jaisa Tum Rakhaa Karti thin

Farak Bas Itna ke

IS Ghar Main Bilkul Be-Ghar Hoon Main!

(C) Shahid Parvez Sayed, April 15, 2013

Wafayen aur Deewar-e-Masjid

Chilchilati Dhoop aur Us Be panah Juhlasti Duphari main

Kisi Masjid ki Deewar ke Saye main Ruk kar Tum
Ibadat Kar laut Rahe Sendkdo Namaziyon main
Sirf Ek Chera Talash Kiya Karti thin Un Dino
Paa Kar Us Shaks ko Tumhare Jism aur Rooh
Yun Khil Uththe the
Jaise ke Sulagti Koi Zameen Jhoom Uthe
Baarish ki Pehli Phuraon par
Baqya Namaziyon ki Ibadat Kabool Hui thi Ya nahi
Ye Un ka Khuda Jaane
Tumhari Wafayen ...
Muskurahten aur Aankhon ke woh Mashooq Rang
Zaroor Qabol hue honge us Din Bargah -e-Ilahi main
Dekh lo...
Is Nazm ka Ek Ek Lafz
Usi Haqeeqat ka Shahid Hai

(C) Shahid Parvez Sayed, Feb 9th, 2013, Churchagate Station

Har Manzar Tumhen Talash karta hai...

Doobta suraj aur ghar laut-te parindon ki qatar

Sard Hawa, Khamoshi, Aam ke woh Baug

Imli ke ped main uljha hua sa chaand

Jungle ke raston main kuch shoukh rang ke phool

Barsaat ki Phuwaren aur Bheegne ki woh zidd

Har Manzar ab jo milta hai

Woh tumhen talash karta hai

Aur ye swaal kartaa hai

Ke Ab tum saath kiyoon nahi aati?

Kiya kar rahi ho? Kahan Masroof ho tum?

Ya agar main Tanha ho chuka hoon to phir 

Har Martaba kis talash yahan aataa hoon?

Aur Kiya soch laut jataa hoon?


(C) Shahid  Parvez Sayed, April 5th, 2012

Khwaab...

Jantaa hoon

Hamara Bichad Janaa hi

Ab Meri Zndagi ki 
ek Zinda Haqeeqat hai

Par

Baqi Ye Sab khwaab sa Kiyoon hai?
Mitne ka Ehsaas Sa Kiyoon hai?

(C) Shahid Parvez Sayed