Monday, June 24, 2013

Tanhaa....


Tumharaa Woh Ek Aansoo
Jo Bichadte Waqt Main
Apne Sath Liye Aayaa tha
Tanhaa Nahi hai Ab

Tumhari Yaad Par In Dino
Us Ka Sath Nibhaane 
Aur Bahut se Aansoo Nikal Aate hain
Khoob Jamti hai Phir in Sab Yaron Main
Der Raat Charche Jo Hua Karte Hain

Tumhari Mahobbat ki Shiddat ke
Tumhare Lafzon Ke Maani ke
Tumhare Jazbaat ki Hidaat Ke

Tumharaa Woh Ek Aansoo 
Tanhaa Nahi Hai Ab
Koi Bhi, Tanhaa Nahi Hai Ab!!

(C) Shahid Parvez Sayed, June 24th, 2013 @ 10 pm

No comments: