Hamara Shahr...

Jab shahr ki be-Chainyan, bad-Gumaniyan
kisi Khaarish zada kutton ki trah
Mujhe  dauda kar jab
Kisi station ke platform tak khaded aati hain
Tab Main khud ko Tanhaa bahut hi pata hoon
Chun kar kirchiyan apne khwabon ki
Larazta hoon, saham saham jataa hoon
Trains aati hain, Guzar jaaati hain
Sochta hoon,

Kahan jaoon, pahunchon kidhar ko main?
Koi khidki , Na darwaza koi intezar main hai
Na koi Har aahat Pe Meri  kaan dhare

TV ke saamne hai, magar dekhtaa nahi

Aur  na hi koi mere poorani Tasveeren

Dekh raha hai, Mujhe soch raha hai


Ye shahr HAMARA nahi jahan  main rehtaa hoon
Isi liye to yu Tanhiayyan main Sehtaa hoon.

(Bad-Gumaniyan = Misunderstands)

(C) Shahid Parvez Sayed

Be-Khwaabi....

Aur Jab Tum Mere Seene pe Sar Rakh Kar

Soti Aankhon ke, Jaaggte Khwaabon ka Mazaa Leti Thin

Tab main Tumhen Dekh Ye Sochtaa tha

Is Ke Pehle Ye Lamhe Bhi Kahin Kho Jayen

Inhen Apne Wajood Main Samet Loon 

To Behtar hai....

Ab Jab ke Mere Bistar Pe

Din Ki Thakan aur Raat ki Silwaton ke Siwa 

Kuch nahi Hota

Main Un Lamhon ko Seene Pe Sula Detaa Hoon

Is trah Apni Be-Nighahii, Apni Be-Khwaabi 

ka Mazaa Letaa hoon!!

(c) Shahid Parvez Sayed, 20-05-12@ 3:00 am