Tumhari Aakhri Araam Gaah...

Jab kisi ne meri Tanhayee ka sabab pucha

Tum se is Darjaa Judayee ka sabab pucha

Ye bhi Pucha ke tum kaun thin? Kaisi thin?

Kahan se Aayin thin?

Kiyoon chale Jana tha tumhen?

Kiyoon Tum Ruk nahi payin thin?

Main ne ye Keh diya, Sach keh diya

Ke Arsa hua, Mar Chuki ho Tum

Bandhan woh Saare Tod Chuki ho Tum

Apne hi Hathon Tumhen Dafan kiya hai main ne

Khud Pe Ek aur Sitam kiya hai main ne

Dafan kar di hain woh Muskurahaten

Jinhen dekh Dil jhoom jhoom ho uthta tha!

Woh Adaayen bhi 

Jo Sirf Tumhen hi aati thin

Aur Woh Gussa 

Jis main Mahobbat ki Tapish hoti thi

Woh Aankhen 

Jo mere Naam Pe Muskati thin

Ab Mere Dil ke Niha khano Main Madfoon ho Tum

Kaun kehta hai Meri Jaan Mujh se Door ho Tum?

Ab Ye Dil mera - 

Ek Qabar hai

Tumhari Aakhri Aaram Gaah...

(C) Shahid Parvez Sayed