Janam din....

Kis Trah duayen doon Tumehn?

Ke tum Jiyo Hazaron Saal

Saal ke Din hon Pachaas Hazaar?

Ke Phir Intezaar 

Kitna Taveel Ho Jayega zara socho to...

Kiyoon ke ab to

Milna Agle Janam main hi Mumkin hai

Waise 

Janam din Mubarak!!

Parda Girte hi tum Chali aanaa...

(c) Shahid Parvez Sayed, Feb 10, 2014

Khilone....

Shauhar, Bacche, Motor, Ghar

Ye Khilone jo tum ne Jama Kiye hain

Aurat Ki Poorani Tarkeeben hain ye

Waqt Kisi trah Guzar Dene ki

Gham e Dil Yun hi Behlaane Ki

Magar Ek Din woh bhi Aayegaa

Jab Ye Sab Be Maani Ho Jayega

Jab Umr Ka Khazana Khaali Hoga

Aur Husn Ka Mausam Dhal Jayegaa

Tab Charon Karwat Din Raat Tumehn

Phir Yaad Koi Bas Aayegaa......

(C)Shahid Parvez Sayed, February 4th, 2014 @ 12:4am