Tumhare Gham ki dali utha kar

Zuban pe rakh li hai dekho main ne

Ye Qatra Qatra pighal rahi hai

Main Qatra Qatra hi Jee raha hoon
(Gulzar)

Itna Hi Sath tha....

Jaise Jaise Waqt

Tumhari kahi hui baton aur andeshon ko

Sach Saabit kar raha hai

waise hi main

Tumhari Dosti, Wafa, aur Zamana-Shanasi ka

Qaail ho raha hoon

Aur Zehni Faasle Kam ho rahe hain

Magar Ye Dil to phir bhi door rahenege

Hazaron Meel aur Kayi Sadiyan Darmiyan

Aur ek din

Ek dil watan, apno se door, Tanhaa

Kisi Qabar main Utara Diya Jayegaa

Doosra Yahin watan main,

Apno se Qareeb, Par Tanhaa

Dafan hoga

Tumhari Ye fikr bhi

Aakhir Sach Saabit hogi

Aur jab woh waqt aaye to Rona nahi

Ye Tasalli Dena apne aap ko ke

Hamara Saath Tweel na sahi

Jitna bhi tha... Khoob tha

Aur main bade Itmenan se gaya hoon!!

(c) Shahid Parvez Sayed