Shukriya...

Tanha Ye Safar

Zulmaat ka ye Qarb

Itna Rayegan bhi nahi

Yahan bhi

Hamesha ki Trah

Tum jo Sath ho

Shukriya...

(C) Shahid Parvez Sayed, 26-4-12 @ 12:30 am

Tanhaa Shaam aur Dhalte Saaye...

Tanhaa Shaam Aur Ye Dhalte Saaye

Kiya Ye Bhi Zindagi Guzaar Aaye ?

Har Mausam Hum se Rehta hai Khafa

Woh Aayen to Phir Ab Bahaar Aaye

Kayee Log Aaye, Gaye Zindagi main

Chaha Jise , woh bhi Ek Baar Aaye

Ye Na Kehnaa ke Hamen Awaaz na Di

Har Gali, Har Mod Tumhen Pukar Aaye

(C) Shahid Parvez Sayed, 20-4-12 @ 1 am

Ration Card...

Ghar ke Ration Card par Tumhara Naam dekha

Use bhi Doosre Un Namo ki Trah
 Kaat diya gya tha

Jo Ab Sath Nahi Rahe..

Yani, Tumhare Hisse Ka Anaaj bhi ab

Mujh Tak Nahi Aata

Ek Zamana woh bhi tha jab

Tum Kacchi Pakki Rotiyan Bana kar

Jale Hue Hisse Khud Khaa kar

Mujhe Behla Liya karti thin

Aaj Tumhare Naam ka Rizq bhi

Tumhari Yaadon ki trah

Mujh pe Haraam hai

Go Waqt ne Hamare Tallouk Rok diye 
Par ye bhi Sach hai

Un Kacche Pakke Luqmon se
 Jo Khoon Bana tha

Jism main Mere wohi Rawan hai
Dil ki Sharyano main Raqs hai Jaari 
Zahan ke Gheriyon se Wohi Ayaan hai

Jis din Main Tumhare Hathon ki

 Adh Jali Rotiyon ka Zaiqa Bhool Jaoonga

Us din Ye Dil Ruk Jayega

  Daudta Khoon Tham Jayega...

Tab Main bhi Wahin Kahin so jaoongaa!

(c) Shahid Parvez Sayed, 11-4-12, Mumbai

Har Manzar Tumhen Talash karta hai...

Doobta suraj aur ghar laut-te parindon ki qatar

Sard Hawa, Khamoshi, Aam ke woh Baug

Imli ke ped main uljha hua sa chaand

Jungle ke raston main kuch shoukh rang ke phool

Barsaat ki Phuwaren aur Bheegne ki woh zidd

Har Manzar ab jo milta hai

Woh tumhen talash karta hai

Aur ye swaal kartaa hai

Ke Ab tum saath kiyoon nahi aati?

Kiya kar rahi ho? Kahan Masroof ho tum?

Ya agar main Tanha ho chuka hoon to phir 

Har Martaba kis talash yahan aataa hoon?

Aur Kiya soch laut jataa hoon?


(C) Shahid  Parvez Sayed, April 5th, 2012